როგორ ვასწავლოთ ბავშვებს?

 

ინოვაციური მეთოდები სწავლების პროცესში

 ნებისმიერი მასწავლებლისთვის უდიდეს გამოწვევას წარმოადგენს გამუდმებით შეინარჩუნოს მოსწავლის ყურადღება და ინტერესის საგნისადმნი. ამისათვის კი საჭიროა სხვადასხვა საინტერესო მეთოდის გამოყენება, კრეატიული სწავლების მეთოდების მაქსიმალურად გამოყენება. მოსწავლეთა იდეების და თავისუფალი აზროვნების წახალისება:

 

🔷აუდიო-ვიზუალური ინსტრუმენტები- საგაკვეთილო პროცესში გამოიყენეთ სხვასხვა აუდიო-ვიზუალური რესურსები. საკითხავ ტექსტების მიუსადაგეთ სხვადასვა სურათები, მოკლე ვიდეოები თუ ფილმები. მაგალითად ანა ფრანკის დღიურის სწავლებისას შეიძლება აჩვენოთ დოკუმენტური ფილმი და ასევე ისტორიასთანაც გაავლოთ კავშირი.გამოიყენეთ ინფოგრაფიკები, ცხრილები და დიაგრამები როგორც აზროვნების გზამკვლევი. ისტორიული თემების შესწავლისას შეიძლება გამოიყენოთ საჯარო ლექციების ვიდეო-ჩანაწერები აღნიშნულ საკითხთან შესაბამისობაში.

🔶real-world learning : ახსნილი მასალა შეუსაბამეთ ცხოვრებისეულ მაგალითებს. ასე უფრო მარტივი იქნება მოსწავლისათვის საკითხის არსის გააზრება და დამახსოვრება. გარდა ამისა, ის დაინახავს საგნის საჭიროებას და არ ექნება აცდენა რეალურ ცხოვრებასა და თეორიულ ცოდნას შორის.

 

🔲 ბრეინშტორმი-ყოველთვის დაუთმეთ დრო ბრეინშტორმს.ეს არის იდეალური გზა კრეატიული აზროვნების გასავითარებლად.როდესაც ერთი საკითხის განსახილველად თქვენ გაქვთ უამრავი მოსწავლის გონება, რა თქმა უნდა მათ გააჩნიათ სხვადასხვა გზა ამ საკითხის გადასაჭრელად და დისკუსიაც წარიმართება.ასეთი სესიები სასარგებლოა საკლასო წესების შესამუშავებლად ან კარგსა და ცუდს შორის არჩევანის გასაკეთებლად. შეიძლება გამოიყენოთ ბრეინშოტრმის მეთოდი წყვილებშიც.

🔷 ჩაატარეთ გაკვეთილები საკლასო ოთახის გარეთ:არსებობს საგნები რომლის რამდენიმე გაკვეთილის ჩატარებაც სასურველია საკლასო ოთახის გარეთ: ამისათვის აუცილებელია გადაწყვიტოთ სივრცე სადაც ჩაატარებთ გაკვეთილს და შეარჩიოთ ადეკვატური თემატიკა.გაითვალისწინეთ, რომ ამ სივრცეში მარტივად უნდა აკონტროლეთ მოსწავეთა უსაფრთხოება

 🔶 როლური თამაშები: სწავლება როლური თამაშების დახმარებით არის იდეალური საშალება მოსწავლეები გამოიყვანოთ კომფორტის ზონებიდან და განუვითაროთ ინტერპერსონალური უნარ-ჩვევები. ეს მეთოდი განსაკუთრებით დაგეხმარებათ ბულინგის შესაჩერებლად და ემპათიის გასავითარებლად.

სწავლების სტრატეგიები კრეატიული მასწავლებლებისათვის

შეიძლება კრეატიული კლასის მასწავლებლობა არ მოგემადლოთ მარტივად, მაგრამ თქვენ შეგიძლიათ თავად შექმნათ კრეატიული და მრავალფეროვანი გარემო თქვენი საკუთარი მოსწავლეებისათვის. თითოეულ თქვენგანს აქვს კრეატივის საჭირო დონე. იყო მასწავლებელი უკვე ნიშნავს რომ შემოქმედებითი და კარგი წარმოასახვის უნარის მქონე პიროვნება ბრძანდებით. ამისათვის თქვენ გჭირდებათ ყოველთვის იფიქროთ წარსულისგან გასხვავებულად, უფრო აქტიურად იმუშაოთ თქვენს კოლეგებთან ერთად და საგაკვეთილო პროცესის დაგეგმვაში შეიძლება თქვენი მოსწავლეებისა თუ სტუდენტების ხრიკებიც კი გამოიყენოთ. რაც ყველაზე მნიშვნელოვანია აუცილებლად უნდა იცოდეთ თქვენი აუდიტორიის ხასიათი და თვისებები: რა მოსწონთ,რა ახალისებთ,რა არის მათთვის პოპულარული და ა.შ. ამის შემდეგ არ უნდა გაგიჭირდეთ რისკიანი ნაბიჯების გადადგმა კრეატიული გაკვეთილის დასაგეგმად. (რა თქმა უნდა, არ იგულისხმება, სიცოცხლისათვის რისკის შემცველი ნაბიჯები). თქვენი თვალსაწიერი უნდა იყოს მაქსიმალურად ფართო, უნდა იფიქროთ ახალ ინოვაციურ იდეებზე, ან ძველი იდეების ახლებურ/განსხვავებულ ვერსიებზე. ჩვენ შემოგთავაზებთ სწავლების სტრატეგიებს,რომლებიც დაგეხმარებათ კრეატიული საკლასო სივრცის შექმნაში:

1️⃣ ერთი თემის სწავლებისას გამოიყენეთ სხვადასხვა სასწავლო მეთოდი: კრეატიული მასწავლებლები საკუთარ მოსწავლეებთან ყოველთვის იყენებენ ახსნისა თუ სწავლების მრავალგვარ მეთოდს, რადგან ასე უფრო ადვილია დააკმაყოფილოთ მოსწავლეთა ინდივიდუალური თავისებურებები. აქ განსაკუთრების საჭიროა ჰოვარდ გარდნერის მრავალმხრივი ინტელექტის თეორია. ეს თეორია კარგად გვაჩვენებს თუ როგორც შეიძლება ავხსნათ ერთი საკითხი სხვადასხვა გზებით. მაგალითად, ქართულ ენაში ‘წარსული დროის’ ასახსნელად შეიძლება გამოიყენოთ როგორც ვიზუალური,კინესთეტიკური თუ ლინგვისტური მეთოდები. ხანდახან მასწავლებლები მოსწავლეებს აძლევენ არჩევანის საშუალებას და გადაწყვეტილებას  მოსწავლეებისათვის სასურველ მეთოდზე აჩერებენ.

2️⃣ აუცილებლად უნდა გაგაჩნდეთ სწავლების პროცესისადმი სიყვარული და თავადაც უწყვეტი განათლების მიმდევარი იყოთ: თქვენ ყოველთვის უნდა ეცნობოდეთ განათლების სფეროში მიმდინარე სიახლეებს და აქტიურად მუშაობდეთ საკუთარ უნარ-ჩვევებზე.ეს ყველაფერი გაამარტივებს თქვენს შრომას და მოსწავლეებსაც დაეხმარება ახალი ცოდნის ათვისებაში.

3️⃣ იყავით კრეატიულები სხვა სფეროებშიც: კრეატიული მასწავლებლები კრეატიულები არიან როგორც საკლასო ოთახში, ასევე საკლასო ოთახის გარეთ.მათ გააჩნიათ უამრავი ჰობი და ინტერესი. მაგალითად: მასწავლებელი რომელიც კარგი კულინარია, იდეალურად შეიძლება გამოიყენოს კულინარიული გამოცდილება ჯანსაღი კვების მნიშვნელობის ასახსნელად. მასწავლებელი რომელიც კარგად ხატავს შეუძლია სურათ-ხატების საშუალებით იდეალურად შეასწავლოს ახალი სიტყვები საკუთარ მოსწავლეებს. ხშირად მასწავლებლები დროის უქონლობას უჩივიან საკუთარი შვილების საჭიროებების გამო,მაგრამ თქვენ იდეალურად შეგიძლიათ თქვენს შვილებთან მიღებული გამოცდილება მოსწავლეებთანაც გამოიყენოთ. და ბავშვთა გასართობ ცენტრში სათამაშო მანქანის სვლის სისწრაფე მათემატიკის ამოცანების უკეთ ასახსნელად გამოიყენოთ.

4️⃣ არ დაკარგოთ კავშირი მოსაწვლის რეალურ ცხოვრებასთან: აუცილებლად დაუკავშირეთ მოსწავლეთა თეორიული ცოდნა პრაქტიკულ,რეალურ მაგალითებს.მოსწავლე ყოველთვის უნდა ხედავდეს თუ რა კავშირშია შესწავლილი მასალა მის რეალურ ცხოვრებასთან. მაგალითად, პითაგორას თეორემის სწავლების შემდეგ მოსწავლემ მისი საკუთარი ოთახის კუთხის გაზომვა უნდა შეძლო ამ თეორიის გამოყენებით.

5️⃣ ისინი ითვალისწინებენ სტანდარტებს და ცდილობენ კრეატიული გზების პოვნას ამ სტანდარტების დასაკამაყოფილებლად: თქვენ ყოველთვის პოზიტიური და კარგი გამოსავალი უნდა მოძებნოთ ნებისმიერი სიტუაციიდან. თქვენთვის სტანდარტი არის გიდი, რომელიც გეხმარებათ შექმნათ ახალ-ახალი გზები მოსწავლეებისთვის სწავლის პროცესის გასამარტივებლად. არასოდეს არ უნდა დაგსტრესოთ სტანდარტმა და კურიკულუმმა. პირიქით, ეს არის ერთგვარი გზამკვლევი,რომელიც სწავლების პროცესს ერთ მთლიან სახეს აძლევს.

მასწავლებლის პროფესიული გადაწვა

პან­დე­მი­ის თან­მ­დევ­მა გა­მოწ­ვე­ვებ­მა და მუდ­მივ­მა სი­ახ­ლე­ებ­მა მნიშ­ვ­ნე­ლოვ­ნად გა­ზარ­და მას­წავ­ლებ­ლის დატ­ვირ­თ­ვა და თან­და­თან უფ­რო შე­სამ­ჩ­ნე­ვი გახ­და პრო­ფე­სი­უ­ლი გა­დაწ­ვის სიმ­პ­ტო­მე­ბი.

ფარ­თოდ გავ­რ­ცე­ლე­ბუ­ლი გან­მარ­ტე­ბის მი­ხედ­ვით, პრო­ფე­სი­უ­ლი გა­დაწ­ვა არის ქრო­ნი­კუ­ლი, ნე­გა­ტი­უ­რი, სამ­სა­ხურ­თან და­კავ­ში­რე­ბუ­ლი გან­წყო­ბა ინ­დი­ვი­დებ­ში, რაც ხა­სი­ათ­დე­ბა გა­მო­ფიტ­ვით, თან ახ­ლავს სტრე­სი, შემ­ცი­რე­ბუ­ლი ეფექ­ტუ­რო­ბის გრძნო­ბა, შემ­ცი­რე­ბუ­ლი მო­ტი­ვა­ცია და სამ­სა­ხურ­ში დის­ფუნ­ქ­ცი­უ­რი და­მო­კი­დე­ბუ­ლე­ბი­სა და ქცე­ვის გან­ვი­თა­რე­ბა.

მრა­ვა­ლი მი­ზე­ზი შე­იძ­ლე­ბა და­სა­ხელ­დეს პრო­ფე­სი­უ­ლი გა­დაწ­ვის გა­მომ­წ­ვე­ვად.

მათ შო­რი­საა:

1. არა­რე­ა­ლის­ტუ­რად მა­ღა­ლი მო­ლო­დი­ნე­ბი და­საქ­მე­ბუ­ლის მი­მართ. შე­საძ­ლოა, თა­ვად და­საქ­მე­ბულს ჰქონ­დეს არა­რე­ა­ლის­ტუ­რი მო­ლო­დი­ნე­ბი სამ­სა­ხუ­რის მი­მართ და გა­მუდ­მე­ბით ის­წ­რაფ­ვო­დეს სრულ­ყო­ფი­ლე­ბის­კენ;
2. გა­ჭი­ა­ნუ­რე­ბუ­ლი პრო­ცე­დუ­რე­ბი, ზედ­მე­ტი ბი­უ­როკ­რა­ტია და შე­მა­ფერ­ხე­ბე­ლი ფაქ­ტო­რე­ბის სიმ­რავ­ლე კომ­ფორ­ტუ­ლად მუ­შა­ო­ბის პრო­ცეს­ში;
3. და­კის­რე­ბუ­ლი მო­ვა­ლე­ო­ბის შე­სას­რუ­ლებ­ლად არა­საკ­მა­რი­სი რე­სურ­სე­ბი;
4. თა­ნამ­შ­რომ­ლე­ბი, რომ­ლე­ბიც არ გა­მო­ირ­ჩე­ვი­ან კო­ლე­გი­ა­ლუ­რი და­მო­კი­დე­ბუ­ლე­ბით და ხში­რად არი­ან გან­წყო­ბი­ლი ნე­გა­ტი­უ­რად;
5. წარ­მა­ტე­ბის მიღ­წე­ვის შემ­დეგ პო­ზი­ტი­უ­რი უკუ­კავ­ში­რის არარ­სე­ბო­ბა.

დრო­თა გან­მავ­ლო­ბა­ში, ეს მი­ზე­ზე­ბი მძაფ­რ­დე­ბა და ვლინ­დე­ბა პრო­ფე­სი­უ­ლი გა­დაწ­ვის სიმ­პ­ტო­მე­ბი:

♦ გრძნობთ, რომ ამო­წუ­რეთ თქვე­ნი რე­სურ­სი და მარ­ტი­ვად ღი­ზი­ან­დე­ბით. სა­მუ­შაო დღის შემ­დეგ დაღ­ლი­ლო­ბის შეგ­რ­ძ­ნე­ბა ნორ­მა­ლუ­რია, მაგ­რამ რო­დე­საც სკო­ლა­ში წას­ვ­ლამ­დეც თავს უკ­ვე დაღ­ლი­ლად გრძნობთ და ებ­რ­ძ­ვით უძი­ლო­ბას, ეს გა­დაწ­ვის ერთ-ერ­თი სიმ­პ­ტო­მია.

♦ ხში­რად გა­ვიწყ­დე­ბათ სა­ჭი­რო ინ­ფორ­მა­ცია და გი­ჭირთ კონ­ცენ­ტ­რა­ცია: უკ­ვე პრობ­ლე­მუ­რი ხდე­ბა ისე­თი სა­კითხე­ბის შეს­რუ­ლე­ბა, რაც ად­რე ნორ­მა­ლუ­რი სირ­თუ­ლის იყო. უძი­ლო­ბა კი­დევ უფ­რო ამ­ძაფ­რებს ამ პრობ­ლე­მას.

♦ გა­ნიც­დით უმა­დო­ბას და წო­ნის პრობ­ლე­მებს: შე­საძ­ლოა, შე­ამ­ჩ­ნი­ოთ წო­ნის მნიშ­ვ­ნე­ლო­ვა­ნი კლე­ბა და ჯან­მ­რ­თე­ლო­ბის გა­უ­ა­რე­სე­ბა. თავს იჩენს დეპ­რე­სია და შფოთ­ვა. თან­და­თან დის­ტან­ცირ­დე­ბით სხვე­ბის­გან, ხართ იზო­ლი­რე­ბუ­ლი და აღარ გა­ნი­ხი­ლავთ თავს ჯგუ­ფის წევ­რად. შე­იძ­ლე­ბა გა­მო­ხა­ტოთ ცი­ნი­კუ­რი და­მო­კი­დე­ბუ­ლე­ბა რო­გორც სა­მუ­შაო გა­რე­მოს, ასე­ვე მოს­წავ­ლე­ე­ბის მი­მართ.

♦ გიქ­ვე­ით­დე­ბათ თვით­შე­ფა­სე­ბა, ფიქ­რობთ, რომ წა­რუ­მა­ტე­ბე­ლი ხართ და არა­კომ­პე­ტენ­ტუ­რი. მი­გაჩ­ნი­ათ, რომ თქვენ მი­ერ გა­კე­თე­ბუ­ლი საქ­მე ყო­ველ­თ­ვის და­ბალ­ხა­რის­ხი­ა­ნია, სხვის მი­ერ გა­კე­თე­ბულ­თან შე­და­რე­ბით, ამი­ტომ აზრს კარ­გავს მუ­შა­ო­ბის პრო­ცე­სი.

შე­დე­გე­ბი კი საკ­მა­ოდ სა­ვა­ლა­ლოა. პირ­ველ რიგ­ში, მას­წავ­ლე­ბე­ლი ხდე­ბა არაპ­რო­დუქ­ტი­უ­ლი, მი­სი ეფექ­ტი­ა­ნო­ბა და შე­დე­გე­ბი სა­შუ­ა­ლო­ზე და­ბა­ლი მაჩ­ვე­ნებ­ლით ხა­სი­ათ­დე­ბა; თით­ქ­მის აღარ ეხ­მა­რე­ბა კო­ლე­გებს და აღარც ზრუნ­ვით გა­მო­ირ­ჩე­ვა; უძ­ლი­ერ­დე­ბა სურ­ვი­ლი, და­ტო­ვოს სამ­სა­ხუ­რი, მი­უ­ხე­და­ვად იმი­სა, რომ ძა­ლი­ან უყ­ვარს იგი; უქ­რე­ბა მო­ტი­ვა­ცია და შე­საძ­ლოა, მი­სი აპა­თია გა­დამ­დე­ბიც აღ­მოჩ­ნ­დეს. ამას თან ერ­თ­ვის ჯან­მ­რ­თე­ლო­ბის პრობ­ლე­მე­ბი და კონ­ფ­ლიქ­ტუ­რი სი­ტუ­ა­ცი­ე­ბის გახ­ში­რე­ბა. სა­ბო­ლო­ოდ კი, ეს ყვე­ლა­ფე­რი სა­ზი­ა­ნოა რო­გორც პი­როვ­ნე­ბის­თ­ვის, ასე­ვე ორ­გა­ნი­ზა­ცი­ის­თ­ვის.

რო­გორ შე­იძ­ლე­ბა ავი­რი­დოთ პრო­ფე­სი­უ­ლი გა­დაწ­ვა?

ამი­სათ­ვის სა­ჭი­როა:

♦ ყო­ველ­თ­ვის გქონ­დეთ აქ­ტი­ვო­ბა, რო­მე­ლიც და­გეხ­მა­რე­ბათ გან­ცალ­კევ­დეთ ყო­ველ­დღი­უ­რი ყო­ფის­გან, მა­გა­ლი­თად ჰო­ბი, მე­დი­ტა­ცია, იოგა;

♦ გა­აძ­ლი­ე­რეთ პი­როვ­ნუ­ლი და პრო­ფე­სი­უ­ლი მზარ­და­ჭე­რის სის­ტე­მა: აუცი­ლებ­ლად გა­ა­ტა­რეთ დრო ოჯა­ხის წევ­რებ­თან; კო­ლე­გებ­სა თუ უფ­რო­სებ­თან ღი­ად და დიპ­ლო­მა­ტი­უ­რად იმ­ს­ჯე­ლეთ თქვენს სამ­სა­ხუ­რებ­რივ ბა­რი­ე­რებ­ზე; სთხო­ვეთ დახ­მა­რე­ბა სა­ჭი­რო­ე­ბის შემ­თხ­ვე­ვა­ში, აუხ­სე­ნით თუ რო­გორ გა­ფერ­ხებთ ესა თუ ის სირ­თუ­ლე;

♦ ის­წავ­ლეთ უარის თქმა; ნუ და­ა­ვა­ლებთ სა­კუ­თარ თავს იმა­ზე მეტ საქ­მეს, ვიდ­რე შეს­რუ­ლე­ბა შე­გიძ­ლი­ათ, ეს, სა­ბო­ლო­ოდ, თქვენს ჯან­მ­რ­თე­ლო­ბა­ზე აისა­ხე­ბა ცუ­დად; იკ­ვე­ბეთ ჯან­სა­ღად; ივარ­ჯი­შეთ;

♦ არ და­ე­ლო­დოთ დედ­ლა­ი­ნებს, ეცა­დეთ, წვრილ­მა­ნი თუ სე­რი­ო­ზუ­ლი საქ­მე­ე­ბი მო­აგ­ვა­როთ მყის­ვე, რად­გან დედ­ლა­ი­ნის ლო­დი­ნი გვძა­ბავს და ხელს გვიშ­ლის გან­ტ­ვირ­თ­ვა­ში;

♦ შე­ა­ფა­სეთ სა­კუ­თა­რი თა­ვი ხში­რად, და­უკ­ვირ­დით და საწყის ეტაპ­ზე­ვე აღ­მო­ა­ჩი­ნეთ პრო­ფე­სი­უ­ლი გა­დაწ­ვის ნიშ­ნე­ბი.

გი­სურ­ვებთ კე­თილ­დღე­ო­ბას!

გა­მო­ყე­ნე­ბუ­ლი ლი­ტე­რა­ტუ­რა:

1. EDUCATOR BURNOUT: SOURCES AND CONSEQUENCES, Richard l. Schwab, Susan E. Jackson, 1986
2. მას­წავ­ლე­ბელ­თა პრო­ფე­სი­უ­ლი „გა­დაწ­ვის“ ზო­გი­ერ­თი პი­როვ­ნუ­ლი და სო­ცი­ა­ლუ­რი ას­პექ­ტი. მაია ბი­წა­ძე, 2013

ვებინარი

სტატია

რესურსი ფილმისა და წიგნის ანალიზისთვის

წიგნის რესურსი - word 

ფილმის რესურსი - word

ონლაინრესურსები ინგლისურ ენაში

ინგლისური ენის მასწავლებლები განებივრებულები ვართ სასწავლო რესურსების სიმრავლით, თუმცა პანდემიის პირობებში, როდესაც ონლაინსწავლება ნორმა გახდა, საკლასო ატმოსფეროს შექმნა მხოლოდ რესურსებით ძალიან რთულია. 

გარდა ამისა, ყველა რესურსს ჭირდება მოსწავლის ინდივიდუალურ საჭიროებებთან მისადაგება. 

მეგობრული განწყობის შესაქმნელად და ინგლისური ენის თამაშით სწავლისათვის დისტანციური სწავლებისას საწყის ეტაპზე სასურველია, მოსწავლეებს გავაცნოთ საკუთარი თავი, წარვუდგინოთ ჩვენი ონლაინ საკლასო ოთახი. 

 შეგვიძლია, შინაური ცხოველებიც ჩავრთოთ საქმეში და ისინიც გავაცნოთ. დამერწმუნებით, რომ ჩვენს შინაურ ცხოველებს ხშირად ჩვევიათ დაუკითხავად შემოჭრა ჩვენს გაკვეთილებში. მათი გაცნობის შემდეგ შეიქმნება მეგობრული სასწავლო განწყობა, ბავშვებს გაუჩნდებათ ნდობა, გახალისდებიან და უფრო თამამად ისაუბრებენ ინგლისურად. 

 სასწავლო რესურსებს გასახალისებლად შეგიძლიათ თან დაურთოთ თქვენი ემოჯი-ნახატები, ამისათვის მობილურში ჩამოიწერეთ აპლიკაცია Bitmoji, რომელიც თქვენი ფოტოს საფუძველზე ქმნის თქვენს ემოჯი-ნახატს და უსადაგებს სხვადასხვა სიტუაციებს. (ბმული: Bitmoji )

ონლაინსწავლება ბავშვებისთვის საკმაოდ დამღლელი პროცესია: წარმოიდგინეთ, მათ ყველა საგანი ონლაინ უტარდებათ და მეგობრებთან თამაშის დროც აღარ რჩებათ. ამიტომ, სასურველია სწავლა-სწავლების პროცესში აქტიურად ჩავრთოთ მარტივი და სახალისო ონლაინრესურსები: 

📌 თეთრი დაფა - დაფის გაზიარება ძალიან ახალისებთ ბავშებს. შეუძლიათ, დახატონ ცხოველები, ყვავილები, ფრინველები (რომელთა დასახელებებიც ინგლისურ ენაზე იციან) და ითამაშოთ „გამოცნობანა“, ან დაფაზე დახატოთ ამინდის პროგნოზის ამსახველი მარტივი ნახატი და თხოვოთ მოსწავლეებს, აღწერონ, როგორი ამინდია. თეთრი დაფის გაზიარება შესაძლებელია როგორც zoom-ის, ასევე Microsoft Teams-ის ბაზაზე. მრავალფეროვნებისთვის შეგიძლიათ, გამოიყენოთ  უფრო მულტიფუნქციური Whiteboard .

📌 კარაოკე - მოსწავლეებთან ერთად აარჩიეთ სასურველი ინგლისურენოვანი სიმღერა და დაგეგმეთ კარაოკე-გაკვეთილი. შეგიძლიათ, წინასწარ მოამზადოთ სიმღერის ტექსტი „რებუსების“  დახმარებით.

 მაგ.: sun = ☀️  Here comes the ☀️

   

 📌 eTwinning+  გამოიყენეთ პლატფორმა საქართველოს თუ უცხოეთის სკოლებთან დასაკავშირებლად: მოსწავლეები შეძლებენ ინგლისურ ენაზე კომუნიკაციას თანატოლებთან, რომლებიც სხვა გარემოს ეკუთვნიან. შესაძლოა, თავდაპირველად დაიმორცხვონ, მაგრამ ეტაპობრივად გაიზრდება ინტერესი, გაიმრავალფეროვნებენ ლექსიკას, შესწავლილ სიტყვებს გამოიყენებენ პრაქტიკულად და შეიძენენ მეგობრებს. 

📌წიგნების შექმნა ეხმარება მოხსწავლეებს განივითარონ წერითი, თხრობითი უნარ-ჩვევები და  წარმოსახვითი აზროვნება.  ამ აქტივობისათვის დაგეხმარებათ

 Storyjumper  და  Bookcreator .   ეს რესურსები ერთმანეთისგან განსხვავდებიან შემოთავაზებული მულტიმედიური ინსტრუმენტებით, თუმცა ორივე საკმაოდ მდიდარი და მრავალფეროვანია. მათი აუდიო-ვიზუალური კომპონენტები საკმაოდ ინდივიდუალურია, თუმცა ხანდახან Bookcreator უფრო მეტ შესაძლებლობას იძლევა ვიდრე  Storyjumper, რადგან მას ინტეგრირებული აქვს ვიდეოსთან ერთად წიგნში ხატვის ფუნქცია.

 📌 სახალისო და მრავალფეროვანი ტესტები ამცირებს შემაჯამებელი დავალებებით გამოწვეულ შფოთვას და სასწავლო პროცესიც უფრო საინტერესო ხდება. ამისათვის დაგეხმარებათ:

  Kahoot - საკმაოდ მოსახერხებელია დახურულბოლოიანი ტესტური დავალებებისთვის. კაჰუტს აქვს ფუნქცია, ინდივიდუალური მუშაობისთვის, რაც უფრო მოსახერხებელია დისტანციური სწავლების პროცესში.  სამწუხაროდ, ტესტები ღია შეკითხვებით ფასიანია.

შეგიძლიათ მოსწავლეთა გასახალისებლად საქმეში ჩაწეროთ შეკითხვა, რომლის ყველა პასუხიც სწორი იქნება. შემდეგ კი მიუთითოთ წყარო და ტესტის დასრულებისას მოსწავლეებთან ერთად განიხილოთ შეკითხვის წყარო. 

გთავაზობთ შეკითხვის ქართულ ვერსიას:

წყარო შემდგომი განხილვისთვის: https://www.bbc.com/news/world-us-canada-52407177

 Quizizz - ღია შეკითხვებისთვის შესანიშნავი საშუალებაა, მოსწავლეების შედეგების ანალიზისთვის ამომწურავ ცხრილსაც გთავაზობთ. 

Funtrivia - სახალისო ქვიზები და თამაშები.

 Mentimeter - ინტერაქტიური გამოკითხვები, ქვიზები და ა.შ.

 📌მასალის თვალსაჩინო პრეზენტაციისათვის დაგეხმარებათ:

 Prezi - თანამედროვე, მარტივად აღქმადი პრეზენტაციებისთვის საკმაოდ კარგი რესურსია. პრეზენტაციის კომპიუტერში ჩამოტვირთვა ფასიანია, მაგრამ შეგიძლიათ, პრეზენტაცია ონლაინ წარადგინოთ ბმულის საშუალებით. 

 Cram - ფლეშქარდების შესაქმენლად .

 Powtoon - მოკლე ანიმაციების და ვიდეოების შესაქმენლად .

h5p - ინტერაქტიური ვიდეოები.

ნუ შეგეშინდებათ სიახლეების, ბავშვები დიდი ხალისითა და წარმატებით აუღებენ ალღოს თქვენ მიერ შეთავაზებულ რესურსებს.

წარმატებულ სასწავლო წელს გისურვებთ <3
 

გარე დაკვირვება: გაკვეთილის გეგმები

ბმული შეგიძლიათ იხილოთ აქ

მასწავლებლური ახალი წელი

 და აი, გვესტუმრა 2021 წელი. 

დასრულდა ჭირ-ვარამით სავსე 2020 და იმედს არ ვკარგავთ, რომ ახალი წელი სიკეთით სავსე იქნება.

ექიმების ჯაფას ვერ მივედარები. ის კი უნდა აღვნიშნო, რომ ძალიან რთული იყო 2020 წელი. ფაქტობრივად, წუთიც არ გვქონდა თავისუფალი.

მთელი წლის განმავლობაში იმდენად მივეჩვიეთ ამოუსუნთქავად მუშაობას, რომ ახალ წელს, მზიან იანვარში, თბილ ოჯახში ვზივარ და ვკითხულობ ანიტა ვულფოლკის წიგნს „განათლების ფსიქოლოგიის“ შესახებ. 

არ ვამბობ, რომ საუკეთესო მასწავლებელი ვარ. მე ვამბობ, რომ პანდემიამ იმდენად ბევრი გამოწვევა გაგვიჩვინა, რო ძველი ცოდნა აღარ არის საკმარისი მათთან გასამკლავებლად. საჭიროა ახალი, მრავალფეროვანი ცოდნით აღჭურვა და გამოცდილების გაზიარება.

საბედნიეროდ, ინგლისური ბრწყინვალედ ვიცი და ნაწილობრივ კიდევ სხვა რამდენიმე ენაც. ამიტომ შემიძლია, თავისუფლად გავეცნო უცხოელების გამოცდილებასაც.

18 იანვრამდე, მეორე სემესტრის დაწყებამდე, დრო ცოტაა, მაგრამ პასუხისმგებლობა დიდია.

ზუსტად ამიტომ, ახალ წელს ვზივარ და გიზიარებთ ჩემს საფიქრალს.

დღეს დილით ერთ-ერთ მულტფილმი გადიოდა ტელევიზორში (მულტფილმის სახელია The Emoji Movie), ემოჯების შესახებ იყო. ხომ იცით ემოჯი 😎😊😉😍 და მულტფილმში თქვეს, რომ ჯერ კიდევ იეროგლიფების დახმარებით გამოხატავდნენ სათქმელს ნახატის დახმარებით. ფაქტობრივად, იეროგლიფები ემოჯის წინაპარია. იქვე, ბავშვებს ავარჯიშებდნენ, გამოეხატათ საკუთარი ემოციები, გუნება-განწყობა ემოჯების დახმარებით.

და ჩემმა გონებამ, ნაცვლად იმისა რომ ცხელი ყავის სმით დამტკბარიყო (მასწავლებლებისთვის ცხელი ყავა იშვიათი ფუფუნებაა, სკოლაში სულ გვიცივდება ხოლმე) მომაწოდა იდეა, რომ ეს მეთოდი ჩემს კლასში დამენერგა. შესაბამისად, დავიწყე ფიქრი, მოვახდინე სასურველი რეალობის ვიზუალიზაცია ჩემს გონებაში და მრავალმხრივ განვავრცე ჩემი იდეა.

ყავა კვლავ გამიცივდა 😂

მოკლედ, ასე გამოიყურება მასწავლებლური ახალი წელი, რომელიც დაუღალავად ცდილობს გაუმკლავდეს არსებულ გამოწვევებს, იმიტომ რომ ბავშვების განათლება დიდი პასუხისმგებლობაა და ეს პასუხისმგებლობა ხშირად ჩრდილავს ახალ წელს.

ბედნიერ,  წარმატებულ  და  სიხარულით  სავსე  2021  წელს  გისურვებთ! ყოველთვის  დაგფასებოდეთ  თქვენი  შრომა  და  ღვაწლი <3 ჯანმრთელობა და მხნეობა  არ  მოგკლებოდეთ <3 

Art by Evgenia Chistotina

აზროვნების ექვსი ქუდი

❓გაქვთ იდეები პრობლემის გადასაჭრელად და გიჭირთ მათი ორგანიზება?

 ❓გსურთ, თქვენს იდეებს კრიტიკულად შეხედოთ და მეგობრებთან ერთად მოიფიქროთ გამოსავალი? 

 ❓გაინტერესებთ, რა ტექნიკები უნდა გამოიყენოთ კრეატიულად აზროვნებისთვის?

 💡გთავაზობთ ედუარდ დე ბონოს მეთოდს „აზროვნების 6 ქუდი“ პროცესი ასეთია:

 თქვენს გუნდთან ერთად თქვენ გაქვთ 6 სხვადასხვა ფერის ქუდი (🔷ლურჯი, ⚪️ თეთრი,⚫️ შავი, 📗 მწვანე, 🔴 წითელი, 📒 ყვითელი). 

თითოეული ქუდის დახურვისას ვირგებთ როლს, რომელზეც ეს ქუდი მიგვითითებს. როდესაც ვიხდით ამ ქუდს, გამოვდივართ ამ ტიპის აზროვნებიდან. მაგალითად: 

 📘 როდესაც იხურავთ ლურჯ ქუდს, ისახავთ ამოცანებს, განსაზღვრავთ მოსალოდნელ შედეგებს, აყალიბებთ წესებს ან აჯამებთ პროცესს. 

 📕 წითელი ქუდი დაკავშირებულია ინტუიციასა და ემოციებთან. აქ აუცილებელი არ არის რაიმეს დასაბუთება, უბრალოდ, თქვენს გრძნობებსა და წინათგრძნობებს ასახელებთ. 

 📒 ყვითელი ქუდი ოპტიმიზმის გამომხატველია. ამ ფერის ქუდის ქვეშ ვკრებთ საუკეთესო პერსპექტივებს და სარგებელს. 

 📓 შავი ქუდი გამოხატავს კრიტიკასა და სიფრთხილეს. იგი გვიჩვენებს რისკებს და სავარაუდო ზიანს. 

 📗 მწვანე ქუდი გამოხატავს იდეების გენერაციის პროცესს, კრეატიულობასა და შემოქმედებას, არასტანდარტულ და ალტერნატიულ შეხედულებებს. 

 ⚪️ თეთრი ქუდი გვეხმარება, ვფოკუსირდეთ საჭირო ფაქტებსა და ინფორმაციაზე, რომელიც დაგვეხმარება გადაწყვეტილების მიღებაში. 

 📌 როგორც წესი, ლურჯ ქუდს მოირგებენ პროცესის დასაწყისსა და დასასრულში, რომლის დახმარებითაც გეგმავენ ან აჯამებენ აზროვნების პროცესს. 👨‍🏫👩‍🏫 

ფასილიტატორი რჩება ნეიტრალურ მხარედ, რომელიც ატარებს ლურჯ ქუდს და მონაწილეებს საჭიროებისამებრ შეახსენებს გეგმებსა და წესებს. სხვა ქუდების დახურვის თანმიმდევრობა, გამომდინარეობს პრობლემის არსიდან. 

 ✅ მეთოდი გონებრივი იერიშისას საშუალებას გაძლევთ განაცალკევოთ გრძნობები და ემოციები, პრობლემას დაინახავთ სხვადასხვა კუთხიდან და გადაჭრის გზების ძიებაც უფრო გამარტივდება.

Pete the Cat with white shoes: ვიდეო მცირედი ქართული თარგმანით

Alphabet: Part 1