პედაგოგიური პრაქტიკის კვლევა

სკოლის სტამბა

პროექტი დაიწყო 2017 წლის იანვრიდან და ხორციელდება ბოლნისის მუნიციპალიტეტის სოფელ ქვემო არქევანში. იდეის მთავარ მიზანს წარმოდგენს სასკოლო სტამბის დაარსება აღნიშნული სოფლის სკოლაში წიგნიერების დონის ასამაღლებლად.
პროექტმა გამოიწვია მნიშვნელოვანი ცვლილებები როგორც მოსწავლეებში, ასევე მასწავლებლებში. კერძოდ, მოსწავლეებმა ისწავლეს საკუთარე ხელით საოფისე პროგრამები, რედაქტირება, ბეჭდვა-აკინძვა, დიზაინის შემუშავება. მასწავლებლებს საშუალება მიეცათ შეემუშავებინათ უფრო მრავალფეროვანი დიზაინი საგაკვეთილო მასალებისათვის.
მთავარი ცვლილება იყო ის,რომ სოფლის მაცხოვრებლებს გაუჩნდათ შეგრძნება,რომ ისინიც არიან საქართველოს ნაწილი და მათი პროგრესით დაინტერესებულნი არიან მათგან შორს მყოფი ადამიანები. განსაკუთრებით ეფექტიანი იყო "ორბელიანი საქართველოს" წარმომადგენლების ვიზიტი სოფელში,რადგან სოფლის მაცხოვრებლებს საშუალება მიეცათ გაეცნოთ ის ადამიანები,რომლებიც დაეხმარნენ იდეის განხორციელებაში.
უფრო ვრცლად იხილეთ აქ

ტრენინგი სტერეოტიპების წინააღმდეგ

2017 წლის 13 მაისს სოფელ გავაზში მშვიდობის, დემოკრატიის და განვითარების ინსიტიტუტის ინიციატივითა და ორგანიზებით სალომე გოჩოლეიშვილთან ერთად ჩავატარე ტრენინგი სტერეოტიპების წინააღმდეგ ავარელი და ქართველი ახალგაზრდების ინტეგრაციის მიზნით.

ლექცია ევროინტეგრაციის შესახებ

გასაფერადებელი ანბანი

წყლის სამყარო

სიმღერა რებუსებით 2

სიმღერა რებუსებით

ჩემ შესახებ

გამარჯობა.

კეთილი იყოს შენი მობრძანება მელაკუდა მასწავლებლის სამყაროში.

მე ლაურა გოტიაშვილი ვარ. მეგობრებისთვის - მარიტა. <3

ვმუშაობ პატარა აზერბაიჯანულენოვან  სოფელ ქვემო არქევანის საჯარო სკოლაში ქართული ენის მასწავლებლად.
ძალიან მიყვარს ბავშვები და ყოველთვის ვცდილობ, სწავლის პროცესი უფრო მხიარული და საინტერესო გავხადო.
ვატარებ ტრენინგებს სამოქალაქო აქტივიზმის შესახებ, სტერეოტიპების წინააღმდეგ და ა.შ.

გარდა ამისა, ვარ ცნობისმოყვარე და ხანდახან უცნაური მოსწავლე. ვთვლი, რომ უწყვეტი განათლება ჩემი ჰაერია.

მიყვარს ფოტოგრაფია, ფსიქოლოგია, ანიმეები და რაფაელო.

მყავს დედა, ძმა, ნათესავები, მეგობრები და მეტიჩარა კატა.